Kalaallit Nunaata avannaani piniartuunermik aallussisut pissusitoqaat nunarsuarlu avatangiiseq kusanaqisoq aallaavigalugu angallassinerit neqeroorutigineqartarput, angallassinerit makkuninnga atortoqarluni ingerlanneqartarput.

"Qimusseq, qajaq maannakkullu aamma angallatit anginerusut…"

Qimusseq, qajaq maannakkullu aamma angallatit anginerusut atorlugit piniartut takornarissallu angallanneqartarput, qaqqanut avatangiiserisanut imarluunniit sinerlugu pisuttuartitsilluni angalaartitsinerit toqqarsimanngikkaanni.

"...Angallassisartut nittartagaannut ingerlaqqigit. "

Periarfissarpassuupput. Sukumiinerusumik allaaserisamik paasissutissamik kiisalu angalaarnerit akiinik pissarserusukkuit taava angallassisartut nittartagaannut ingerlaqqigit. Taakkunani angallassinerit pillugit sukumiinerusut pissarsiassaapput, akigitinneqartut, angalaartitsinerit sivisussusaat kiisalu piffissani sumi angalaartitsinerit pisarnersut.

Destination Avannaa aningaasannanniutiginagu suliassanik ingerlatsiviuvoq taamaattumik angallassisartuunani, inniminniiffigineqarsinnaanngilagut. Angallassinerit arlaat inniminniiffigerusukkaanni angallassisartut illoqarfitsinneersut pikkorissorpassuit arlaat innersuussutigaavut.