Qasigiannguit Disko Bugtip qinnguani kujammut kangiani inissisimavoq. Aqqa nutserneqarsinnaasoq ‘qasigiaqarfnnguaq’, innersuussivoq, sumiiffk puisinniarfssaqqissutut qangaaniilli periarfssaqarsimasoq. Tassani najugaqarput inuit 1.100-t missaat. Aalisarneq piniarnerlu inuussutissarsiutit pingaarnersaraat, illoqarfullu aalisakkeriviata qalerallit pingaarnertut tunisassiarai.

"Qasigianguit Disko Bugtip kujammut kangiani inissisimavoq..."

Illut amerlasuut qaamasunik assigiinngitsunik qalipaatillit illoqarfup ilisarnaatigai. Tassanissaaq Kalaallit Nunaanni illut qisuusut pisoqaanersaat naammattoorsinnaavat, ullumikkut illoqarfup katersugaasiviatut ilusilersorneqarsimasoq. Sumiiffk tamanna itsarnisarsiornikkut oqaluttuarisaanikkullu eriagisassaavoq, qangarsuaaniit oqaluttuarisaaneq sineriak sinerlugu nunaqarfnni nassaanit ukiunut tuusintilikkaanut nagguissineqarsinnaasut. Tamakku aallaaveqarput nunaqarfkunit, attakunit piniarnermillu sinnikunit. Taamattaaq Saqqaq kulturimeersunik nassaartoqarsimavoq, ullumikkut katersugaasivimmi saqqummersinneqartut. Katersugaasivik piviusuusaartitsilluni aasivimmik 1700-kkunneersumik iluarsaassisimavoq. Suliaq pillugu piareersaatit, sullivik sammisallu pillugit aasaanerani katersugaasivik attaveqarfgalugu takuniarneqarsinnaapput.

"Illoqarfup timaatungaa qaqqalik, qoorulik qerisartunillu narsalik...”

Illoqarfup timaatungaa qaqqalik, qoorulik narsallu qerisartut aasaanerani ukiuuneranilu sammisaqarfgissallugit periarfssarissaarpoq. Avatangiisit aasaanerani sumulluunniit pisuttuarnissamut piukkunnarput, illoqarfup eqqaani ulloq ataaseq angalasoqarsinnaavoq, pisuttuarnermillu sungiussisimanerusunut sermip killinga orninneqarsinnaalluni.