Qeqertarsuaq qeqertap taama taaguuteqartup kujammut nuuani inissisimavoq. Qeqertarsuaq isumaqarpoq ‘qeqertaq angisooq’, Kalaallillu Nunaata sineriaani qeqertat annersaralugu. Illoqarfk arfanniamit Svend Sandgreenimit 1773-imi tunngavilerneqarpoq. Arfanniarneq ukiuni uuntriitilinni marlunni kingullerni illoqarfmmut pingaaruteqarluinnarsimavoq. Piniarneq aalisarnerlu suli qeqertap innuttaanut inuussutissarsiutaapput pingaarnerit. Illoqarfk 900-t missaannik inuttussuseqarpoq, nunaqarfllu Kangerluk 30-nik inuttaqarluni, taanna avannamut kimmut akunnialunnguani umiatsiareerluni tikinneqarsinnaavoq. Tamaani ilisimatuut naammattoornikuuaat sermeq sisoortoq, ullormut 100 meterinik nikittartoq.

"Illoqarfk arfanniamit Svend Sandgreenimit 1773-imi tunngavilerneqarpoq."

Qeqertarsuaq qaqqat basalt-iusut (agiaq) alianaalluinnartut eqqaanni inissisimavoq, ukiut millionit arlallit matuma siorna qaqqat innermik anitsisartut aangaannit aallaaveqartut. Qaqqat innermik anitsisartut sivisoorujussuarmik innermik anitsisimanngillat, taamaattorli puilasut kissartut untriitillit arlallit suli tamaaniipput, qeqertamik tupinnaannartumik uumasoqartitsisut naggorissumillu pinngortitaqartitsisut. Puilasut kissartut nalunnguarfssaanngillat, taamaallaat 4-10 grader Celcius-imik kissassuseqaramik.

"..aasaanerani seqerngup kaaviinnarnerata nalaani unnuakkut Qeqertarsuarmi qimussertoqarsinnaavoq."

Kalaallit Nunaannissaaq allaalluinnartumik misigisassaqarpoq, tassa aasaanerani seqerngup kaaviinnarnerata nalaani unnuakkut Qeqertarsuarmi qimussertoqarsinnaammat. Tamanna pisarpoq illoqarfup timaani sermimi ‘Lyngmarksbræen’-imi, qaqqani 800 meterit missaanni qatsitsigisuni. Qaqqata qaavinut pisuttuaraanni Disko Bugtimut isikkivik tupinnarluinnartoq alutorsaatigineqarsinnaalluni kiisalu iluliarujussuit Ilulissani 100 kilometerisut ungatsigisumiittut isiginnaarneqarsinnaallutik.