Uummannaq qaasuitsup killeqarfanit 590 km-inik avannarpasinnerusumi inissisimavoq. Tamaani ukiut tamaasa seqineq qaammatini marlunni tarrittanngilaq, akerlianilli novembarimit februarimut nuinngisaannarluni.

"Uummannaq ataqqinarpasissumik peqqarniitsumillu nunataqarpoq..."

Uummannaq taaneqarsinnaavoq Kalaallit Nunaat ‘piviusoq’. Nuna ataqqinarpasissoq peqqarniitsorlu portusuunik qaqqalik, naasukitsoq, sermerpassualik, iluliarpassualik, innuttaasunullu qimussimik umiatsiamilluunniit aalisarneq piniarnerlu ulluinnarni inuunermut pissusissamisoortumik ilaasoq.

"Inuit 2.300-t Uummannami eqqaanilu najugaqarput..."

Inuit 2.300-t Uummannami eqqaanilu najugaqarput. Taakkunannga affaasa missaat nunaqarfnni arfneq marluusuni najugaqarput. Illoqarfk qeqertami 12 kvadratkilometeriusumi inissisimavoq, illoarfullu ilisarnaatigalugu qaqqaq inngittooq 1.175 meterisut portussuseqartoq uummatitut isikkulik, tassalu illoqarfup ateqaatigisaa.

Illoqarfk qeqertanit qeqertaasanillu 2.200 meterit angullugit portutigisunit ungaluneqarpoq. Uummannap imartaa arferpassuaqarpoq. Iluliarsuit tupinnartut sumiluunniit takussaapput, taamallu iluliarsuit tungujortumik qaqortumillu alanngartallit tupinnaannartumik iluseqartut.
Tamakku nunarsuarmi sermimit aakkarnerpaajusumit pisuupput, sermersuarmit aallaaveqarlutik.