Ilulianut kalaallisut taaguutigineqarput ‘Ilulissat’, taamaattumik kialuunniit tamaanissimasup uissuummissutigisinnaanngilaa sooq illoqarfk taama taaguuteqarnersoq. Ilulissat alianaalluinnartumi inissisimaffeqarput, kangerluup 56 kilometerisut qinngortutigisup paavani, kangerluk Nunarsuup avannarpasissortaani sermersuit aakkartartut annersaannit iluliarujussuarnik ulikkaarluni. Iluliarsuit annerit kangerluup paavani ikkarlittarput – 250-init 300 meterisut ititigisumi – aatsaallu ulilluaraangat kaanngartarlutik imaluunniit nungullarnertik peqqutigalugu uernermikkut kaanngartarlutik.

"Ilulianut kalaallisut taaguutigineqarput Ilulissat...'"

Ilulissani inuit 4.500-t najugaqarput qimmillu qimuttut 2.300-it missaat. Tamatuma ersersilluarpaa qimmit qimuttut angalanermut qanoq pingaartiginersut, allaat illoqarfmmi nutaaliaagaluartumi. Talittarfk umiatsiaaqqanik aalisariutinik kilisaatinillu ulikkaarpoq, aalisarneq illoqarfmmut qanoq pingaartigineranik takussutissaasut. Illoqarfmmit kilometerialunnguanik ungasitsigisumi inissisimavoq qooroq alinaalluinnartoq Sermermiut kangerluup iluliaqarfusup eqqannguani. Ukioq 1727-mi Kalaallit Nunaanni najugaqarfit annersarisimavaat 250-inik innuttaqartoq. Tamatuma kingorna misissuinerit takutippaat nunaqarfk qoorumiittoq ukiuni tuusintilikkaani najugaqarfgineqarsimasoq.

"Ilulissani inuit 4.500-t najugaqarput qimmillu qimuttut 2.300-it missaat..."

Ilulissat avannaa’tungaaniippoq nunaqarfk Oqaatsut, illut pisoqqat nunasiaataasimanerup nalaaneersut ullumikkut unnuisarfttut neriniartarfttullu aaqqissuunneqarsimasut. Akunnerit marlussuit avannamut umiatsiareerluni tikinneqarsinnaavoq sermeq alutornarluinnartoq Eqi, illuaqqani nutaaliaasuni unnuinissamut periarfssaqarluni.